Premio Lumière
| Premio Lumière | ||
| premiaro | ||
|---|---|---|
| Nomita laŭ | Fratoj Lumière | |
| Lando | Francio | |
| Fondita de | Edward Behr vd | |
| Fondita en | 1996 | |
| En TTT | Oficiala retejo vd | |
La premio Lumière (france Prix Lumière, foje ankaŭ Trophée Lumière aŭ duon-angle Lumière Award) estas kinopremio nomata laŭ la fratoj Lumière, kiu ekde la jaro 1996 estas ĉiujare atribuata en Parizo. La premion aljuĝas la Académie Lumière; la ĵurio konsistas el pli ol 200 reprezentantoj de ne-franciaj amaskomunikiloj.
La ceremonio, en kiu publike anonciĝas la premiitoj, ĉiujare okazas inter mezo de januaro kaj fino de februaro. Kontraste al la iom pli poste aljuĝata premio César, la premio Lumière nur celas origine franclingvajn filmojn.
La premion en 1995 iniciatis la usona Edward Behr kaj la franca filmproduktoro Daniel Toscan du Plantier. Modelo estis la usona Premio Ora Globo, kiun ĉiujare reprezentantoj de internaciaj amaskomunikiloj aljuĝas en Los-Anĝeleso.
Kategorio
[redakti | redakti fonton]La premio Lumière aljuĝatas en sume 8 kategorioj. Kiel pri la usona Akademia Premio aŭ la franca premio César, en ĉiu kategorio estas anoncataj kvin nomumoj, inter kiuj la ĵurio elektas la gajnanton.
| Kategorio | franca kategoria nomo | atribuata ekde la jaro |
|---|---|---|
| Plej bona filmo | Meilleur film | 1996 |
| Plej bona reĝisoro | Meilleur réalisateur | 1996 |
| Plej bona scenaro | Meilleur scénario | 1996 |
| Plej bona aktoro | Meilleur acteur | 1996 |
| Plej bona aktorino | Meilleure actrice | 1996 |
| Plej bona nova aktoro | Meilleur espoir masculin | 2000 |
| Plej bona nova aktorino | Meilleur espoir féminin | 2000 |
| Plej bona franclingva filmo | Meilleur film francophone | 2003 |
La premio por la "plej bona franclingva filmo" atribuiĝas al filmoj, kiuj ekstere de Francio produktiĝis en la franca lingvo. Tiu kategorio anstataŭis la inter la jaroj 1996 kaj 2002 atribuitan "premion Lumière por plej bona eksterlanda filmo" (Prix Lumière du meilleur film étranger).
Ekde la jaro 2006 la francia televida kanalo TV5 Monde krome aljuĝas la specialan premion Prix du public mondial ("premio de la monda publiko").
Eksteraj ligiloj
[redakti | redakti fonton]- premiitoj 2009 en la retejo allocine.fr (france) Arkivigite je 2009-01-22 per la retarkivo Wayback Machine
- la premio Lumière en la anglalingva prifilma datumbazo Internet Movie Database Arkivigite je 2009-10-04 per la retarkivo Wayback Machine